кат 1 | м.
Место каде што се составуваат два ѕида во некаква просторија; агол 2. Тој се сврте и дури сега забележа оти во најтемниот кат седеше една баба. Во еден мрачен кат светеше сјаен автопортрет.
кат 2 | м.
Дел од куќата меѓу два тавана; етаж во зграда. Пајтонот пристигна пред една жолта зграда на два ката. Горниот кат од дуќанот беше полн со поситна стока.
ката- | претс.
Како прв дел од сложенки означува дека нешто се повторува во временско растојание означено со вториот дел од сложенката; со значење секој: катаутро, катаноќ, катагодина, катапразник.
катадешен | прид.
Секојдневен;
катадневен | прид.
а) Што се повторува секој ден, што се случува, што се извршува секој ден. Катадневни грижи. б) Што служи за секој ден, обичен; Носеше катадневно доламче.
катаклизма | ж.
Голема елементарна несреќа предизвикана од природни стихии (земјотрес, поплава и сл.).
катаклизмичен | прид.
Што има карактер на катаклизма. Катаклизмични појави во природата.
катакомба | ж.
Подземни ходници и простории во кои првите христијани ги погребувале мртвите и се собирале за молитва.
каталепсија | ж.
Здрвеност на мускулите, неподвижност на телото што се јавува кај некои душевни заболувања и при длабока хипноза.
каталептичен | прид.
Што страда од каталепсија, предизвикан од каталепсија.
