објаснение | ср.

Разјаснување, толкување на нешто за да стане појасно. Секој збор е проследен со кратко објаснение. Тој не ги прифати нивните објасненија.

објасни | св.

Протолкува, разјасни нешто. Попот се обиде да ни објасни дека душата на умрениот ќе оди во рајот. Ќе ви објаснам како треба да се ракува со апаратот.

објаснив | прид.

Што може да се објасни. Објаснива постапка.

објаснител | м.

објаснителен | прид.

Што содржи објаснување, што служи за објаснување на нешто. Објаснителен текст. Објаснителни белешки.

објаснување | ср.

Глаголска именка од објасни.

објаснувач | м.

Тој што објаснува нешто, што дава некакво објаснување. Тој е добар објаснувач на математички задачи.

објаснувачки | прид.

Објаснувачки зборови.

објект | м.

Нешто (предмет, појава, факт) кон кое е насочено човековото внимание или дејност. Објект на внимание. Објект на проучување.

објектив | м.

Дел од оптички апарат составен од една или повеќе леќи и насочен кон предметот што се набљудува. Објектив на микроскоп. Објектив на камера.