разлачи | св.

Раздели, раздвои. Сакаа да ја разлачат од семејството.

разлеан | прид.

Глаголска придавка од разлее.

разлева (се) | несв.

разлее | св.

Истури, исипе течност од сад. Сето млеко го разлеа од тенџерето.

разлежи се | св.

Залегне, помине подолго време во лежење; почне да лежи подолго или почесто. Стариот се разлежи, одвај стануваше.

разлелее | св.

Направи нешто да се лелее, да се ниша повеќе или уште повеќе. По улиците млади ги разлелеаја знамињата. На трибините навивачите ќе го разлелеат големото знаме.

разлелека | св.

Поттикне, предизвика некого силно, засилено да лелека; расплака, растажи некого. Тој разлелека и зави во црно многу мајки.

разлени | св.

Поттикне, предизвика некого да стане безволен и мрзелив. Таа многу ги разлени децата.

разлепи | св.

Лепи, излепи (плакати и сл.) насекаде, на многу места. Децата ги разлепиле сликите по собата.

разлета се | св.

Почне да лета на разни страни, лета насекаде (птици или летечки објект). На небото се разлетале птици. Низ воздухот се разлетаа хеликоптери.