разнебити | св.
Целосно уништи, разруши. Преселбите го разнебитија народот. Ваквите написи го разнебитија весникот.
разнебитувачки | прид.
Што може да разнебити, што разнебитува, уништувачки, сосипувачки, разрушувачки. Разнебитувачки реформи. Разнебитувачка преселба. Разнебитувачки процес.
разнежено | прил.
Нежно, мило. Шепотеше разнежено.
разнежи | св.
Направи да стане нежен, неотпорен, со слаб имунитет. Таа ги разнежи децата. Тој го разнежи девојчето. Богатството го разнежи момчето.
разнеможе се | св.
Стане немоќен, немошен, крајно истоштен и истрошен. Стариот се разнеможе последнава година. Маратонците се разнеможеа последните 5 километри.
разнервира | св.
Доведе некого во напната нервна состојба, многу изнервира. Нејзините постапки ги разнервираа другарите.
разнервирано | прил.
Многу нервозно, изнервирано. Зборува разнервирано.
разнесе | св.
Носејќи достави до мнозина, на различни места, раздаде нешто на присутни. Поштарот ги разнесе писмата. Студентите го разнесоа материјалот до сите.
разнесувач | м.
Службено или приватно лице што разнесува некаков материјал (покани, писма, храна, стока и сл.). Разнесувач на пица. Разнесувач на поштенски пратки.
разниже | св.
Одниже, оддене; извади, извлече нешто што било нанижано. Девојчето го разнижало ѓерданот. Тие ги разнижаа низите и го калапеа тутунот. Таа го разнижа бисерот.
