делив | прид.

Што подлежи на делење. Бројот шест е делив со два.

деликатен | прид.

Сложен, замрсен, тежок. Деликатен проблем. Деликатно прашање. Деликатна работа. Деликатна тема. Сложена, деликатна и одговорна ситуација. Се најде во деликатна состојба.

деликатес | м.

Вкусно, посебно приготвено јадење или пијалак, специјалитет. Традиционални деликатеси. Алкохолни деликатеси. Продавница за деликатеси.

деликатесен | прид.

Што е вкусен, со специфичен вкус, специјално приготвен. Деликатесно јадење. Деликатесен лут пипер. Шпарглата спаѓа во деликатесни зеленчуци.

деликвент | м.

Тој што извршил кривично дело, виновник, претстапник, злосторник. Со текот на времето ваквите ученици се развиваат во деликвенти.

деликвенција | ж.

Свесно и сакано поведение коешто е спротивно на општествените правила; престапност, деликт. Малолетничка деликвенција.

деликт | м.

Кривично дело, казниво дело, злосторство, престап, истап. Административен деликт. Политички деликт. Дисциплински деликт. Вербален деликт. Обвинението го товари за стопански деликт.

делинквент | м.

делириум | м.

Од различни причини (висока температура, болест, алкохол и сл.) поматеност на свеста проследена со халуцинации, бунило, бладање. Подолго време е во дилириум.

делител | м.

Број со кој се дели во математичката операција, делење обично.