документарец | м.
Документарен филм. Тој снима само документарци.
документарист | м.
Автор или режисер на документарни филмови.
документација | ж.
Документирање, потврдување на нешто со документи, со докази. Неговата книга е извонредна документација за животот на овие простори во минатиот век.
документира | св. и несв.
Наведе, наведува сигурни докази, докаже, докажува со документи. Тој го документираше своето тврдење со ред факти. Го документирала своето барање со сите потребни документи.
документиран | прид.
Што е поткрепен со документи, со докази. Документиран материјал. Документирана информација. Документирани записи.
докуп | м.
Докупување на нешто одеднаш, обично во поголема мера. Се пензионира со докуп на стаж.
докупи | св.
Заврши со купување. Отидовме на пазар и докупивме сѐ што ни требаше.
докусури | св.
Уништи, упропасти до крај, убие. Оваа навика ќе те докусури тебе! Лежам во оваа гробница и мислам зошто не ме докусурија.
докутура | св.
Дотркала. Во дворот докутура едно големо буре.
докуца | св.
Дојде, стигне некаде со куцање. Исплашен докуцал дома. Полека докуцка до мене.
