елитистички | прид.
Што има својство на елити Елитистички став. Елитистички постапки.
елка | ж.
Иглолисно зимзелено дрво со конусна круна; Abies alba.
елмаз | м.
Скапоцен камен, дијамант.
елов | прид.
Што е од ела, што се однесува на ела.
еловина | ж.
Градежен материјал од ела.
елоквентен | прид.
Што умее убаво да зборува, да се изразува.
елоквенција | ж.
Речовитост, елоквентност.
ем | сврз.
Составен, копулативен; и, притоа. Патот беше долг ем тежок.
еманципација | ж.
Осамостојување, ослободување од зависност, здобивање со основните човекови права.
еманципира се | св. и несв.
Стане, станува рамноправен и независен, ослободувајќи се од некои ограничувања. По овие промени жените бргу се еманципираа.
