залагува (се) | несв.

залагушка | ж.

Вид детска игра со стапчиња.

залади | св.

(само во 3 л.) Почне да станува ладно. Времето залади. Ноќите заладија.

залае | св.

Почне да лае, се огласи со лаење. Негде залајаа кучиња.

залажалка | ж.

залажачка | ж.

Тоа што му се дава на дете (предмет, храна и сл.) да се залаже, да се заигра. Сакаше да го погали и да му даде некое оревче залажачка.

залаже | св.

Почне да лаже; лаже. Само што ја отвори устата и залажа.

залажувачка | ж.

залази | св.

Почне да лази, да ползи; лази. Детето залази по подот. Низ тревата залазија црвеникави бубачки.

залак | м.

Парче леб што наеднаш се става в уста, се џвака и се голта; касај. Одвај го голтна последниот залак. На секој залак испиваше чаша вино. Си пикаше големи залаци во устата.