избавувач | м.
Спасител, избавник, избавител.
избакне | св.
Бакне повеќепати; бакне, бакнува, баци. Таа го избакна детето по образите и по рацете. Тој ја извади сликата од писмото и ја избакна.
избања | св.
Заврши со бањање; искапе. Тие го избањаа мртовецот и го спремија за закоп.
избара | св.
Со упорно барање најде, пронајде. Избарал една стара книга.
избаца | св.
Извалка, избербати нешто.
избаци | св.
Бакне повеќепати, едно по друго;
избега | св.
Се оддалечи со трчање; бега Избега од бојното поле. Прасето избегало од кочината.
избегне | св.
Спречи несакан настан, ситуација. Претседателот го избегна атентатот. Го избегна ударот. Ја избегне средбата. Го избегна одговорот на прашањето. Го избегна непријатниот разговор. Избегна голема несреќа.
избезобрази се | св.
Стане безобразен во позасилен степен. Денешниве млади се избезобразиле. Од некое време многу се избезобразил.
избезумен | прид.
Што се избезумил. Избезумена старица плачеше и корнеше коси. Избезумен од страв.
