Абориџин | м.

Домородец од австралискиот континент.

абортира | св. и несв.

Прекине, прекинува бременост, дозволи, дозволува да се изврши хируршка интервенција со која се прекинува бременоста. Таа абортира во некоја скопска клиника.

абортус | м.

Пометнување, предвремен прекин на бременост.

абразив | м.

Ситнозрнеста материја што се употребува при полирање, чистење на метални, камени, стаклени и други предмети.

абраш | м.

Рус човек со бенки на лицето. Лицето му се подисчистило и станал најубавиот абраш што го познавам.

абрашест | прид.

абрашлив | прид.

Што е со бенки на кожата. Абрашливи дојки. Абрашливо лице.

абрашлија | прид.

Тој што е со бенки на кожата;

абревијатура | ж.

Скратеница за сложен назив.

Абу Даби | м.

Главен град на Обединетите Арапски Емирати.