апаратура | ж.
Вкупност од апарати. Телефонска апаратура.
апартман | м.
Стан со повеќе простории, комфорен стан. Имаше апартман во центарот на градот.
апартхејд | м.
Политика на расна дискриминација, делење на населението врз расна основа.
апатија | ж.
Отапеност на чувствата, рамнодушност, безволие, незаинтересираност. Беше во апатија, не забележуваше ништо наоколу.
апаш | м.
Крадец, разбојник, џепчија. Ми влегле апаши во куќата.
апе | несв.
Каса, гризе. Јас си ги апев во бес прстите. Ова куче многу апе.
апеж | м.
Јадеж, непријатно чувство на кожата што тера на чешање. Беше готов да се расплаче од ужасен апеж.
апел | м.
Повик (за солидарност, за помош и сл.). Упати апел. Одговори на апел.
апелација | ж.
Повисок суд до кој осудениот може да се жали. Апелацијата ќе ги разгледа нивните жалби и навремено ќе им одговори.
апелационен | прид.
Што се однесува на апелација. Апелационен суд. Апелациона комисија.
