атак | ж.
Вооружен напад. Атаките врз селото не престануваа.
Атакама | ж.
Пустина во Јужна Америка.
атакува | св. и несв.
Изврши, врши атака. Сега е време да се атакува, а не да се седи и да се молчи.
атаман | м.
Старешина, водач на козаците.
атар | м.
Подрачје што припаѓа на некое село или општина. Селски атар.
аташе | м.
Дипломатски службеник што врши функција на советник за одредена област (за култура, за печат, за воени прашања и др.).
атеизам | м.
Безбожност, неверување во постоењето на бог, отсуство на религиозни чувства.
атеист | м.
Приврзаник на атеизмот; безбожник.
ателје | ср.
Просторија за работа на уметник или занаетчија, уметничка или занаетчиска работилница. Сликарско ателје. Фотографско ателје. Модно ателје. Фризерско ателје.
Атена | ж.
Антички град држава на Атичкиот Полуостров.
