Бенгалски Залив | м.
Залив во Индискиот Океан.
бенд | м.
Помала инструментална група, мал оркестар. Тоа е нов бенд на музичката сцена. Во Скопје настапија повеќе странски бендови.
бендер | м.
Вид петел. По гумното колваа кокошки и еден бендер петел.
бендери се | несв.
Се перчи, се прави важен; се качува на високо. Тој се бендереше, без срам, пред туѓинците. Кај се бендериш таму!
бендиса | св.
Се допадне некому. Тој од едно видување ја бендиса девојката.
беневреци | и.
Дел од машката носија, шајачни панталони, широки во горниот дел, тесни од колена надолу. Тој беше во шарена облека, во тесни беневреци. Беневреците му биле влажни до колениците.
бенефиција | ж.
Повластеност, привилегија, корист. Австралиската влада дава извесни бенефиции во случај на болест. Секретарката ужива големи бенефиции од директорот. Социјалните случаи добиваат бенефиции од државата.
бенефицира | св. и несв.
Повласти, повластува некого, нешто.
бенефициран | прид.
Повластен. Бенефициран стаж. Бенефицирана отплата на кредит. Бенефицирани услови.
бензин | м.
Течен, безбоен нафтен дериват со различни степени на чистота и со различен состав што се употребува како погонско гориво. Цистерни со бензин. Ноќеска поскапе бензинот. Автомобилот остава зад себе мирис на бензин.
