вршка | ж.
Врвот на дрво или друго растение. Се смирија вршките на копривите. Вршките на дабјето.
вршник | м.
Метален поклопец под кој се пече леб и др.
всади | св.
Вметне, втисне во нешто, зацврсти во лежиштето.
всали се | св.
Замириса од застоеност, обично месо или маст. Месото се всали. Путерот се всали.
всее | св.
Влее страв, омраза и сл.
вселена | ж.
Сиот свет што нè опкружува; космос, универзум.
всели | св.
Доведе, смести некого во стан, куќа и сл. Студентката ја вселија во студентскиот дом.
всече се | св.
Со засекување навлезе, се вреже. Реката длабоко се всекла во коритото. Кривата сабја се всече во раката.
всипе се | св.
Се осипе со бронки.
вслуша се | св.
Внимателно се заслуша. Се вслуша во музиката.
