вула | ж.
Колено, кривина на цевка. Натопуваа крпи во ладната вода низ која врвеше вулата и го ладеа капакот од казанот.
вулгарен | прид.
Што е груб, непристоен, простачки, невоспитан. Оние што се вулгарни кон светците, не се добри.
вулгаризам | м.
Прост, непристоен збор или израз; непристојност.
вулгаризатор | м.
Лице што вулгаризира, што претерано ги упростува работите.
вулгаризација | ж.
Постапка на вулгаризирање на работите.
вулгаризира | св. и несв.
Упрости, упростува; прави, направи да биде просто, полесно сфатливо за секого.
вулкан | м.
Рид, планина со кратер на врвот низ кој од внатрешноста на земјата избива лава, пепел и гасови. Вулканот еруптира по многу години.
вулканизатор | м.
Апарат за поправка, лепење гуми.
вулканизација | ж.
Преработка на суров каучук во гума.
вулканизер | м.
Лице што се занимава со вулканизација.
