вее | несв.

Дува ветер. Вееше тивко, пролетно ветре.

вежба | ж.

Повторување на некое дејство заради физичко или интелектуално усовршување. Во неделата имавме гимнастичка вежба пред народот.

вежба | несв.

Развива кај себе или кај некого навики, вештина, способности преку често и редовно повторување на определена работа, дејство. Вежбам секое утро. Тие вежби не сум ги вежбал. Тој ги вежбаше војниците.

вежбалиште | ср.

Место каде што се изведуваат вежби.

вежбалница | ж.

Просторија за вежбање.

вежбанка | ж.

Тетратка за вежбање. Вежбанка по математика.

вежбач | м.

Тој што вежба. Тој вежбач на трапез освои прво место.

вежбовен | прид.

Што се однесува на вежба. Вежбовни методи. Вежбовни активности.

вез | м.

Украсна извезена шара на ткаенина или на некој друг предмет. Народен вез. Едноставен вез од црвено и црно. Богат вез.

везало | ср.