галне | св.
Кратко помилува. Само го гална по образот и си замина.
галовен | прид.
Што е нежен, топол. Галовен поглед.
галон | м.
Англиска мерка за течност.
галоп | м.
Вид брзо коњско трчање со скокови. Коњаникот го потера коњот во галоп.
галопира | несв.
За коњ – трча во галоп, трча брзо со скокови. Коњите галопираа.
галош | м.
Плитки обувки за кал и за снег, направени од гума, што може да се носат и преку други обувки.
гама | и.
(муз.) Низа од тонови со интервали.
гамаши | и.
Доколенки изработени од груб материјал (на пр. чоја) или од кожа. Мажите во тоа време носеа на нозете гамаши.
Гамбија | ж.
Држава во Африка.
гамбит | м.
Во шахот – вид отворање со жртвување на пион заради побрзо развивање на играта.
