гардист | м.
Припадник на гарда. Гардистите стоеја покрај претседателот.
гарнизон | м.
Дел од војска сместен на едно место заради обука или обезбедување. Целиот гарнизон се преместуваше на друго место.
гарнир | м.
Додаток од зеленчук и др. кон главното јадење од месо или од риба. Со месото имаше богат гарнир.
гарнира | св. и несв.
Дополни, дополнува, украси, украсува порција со месо или риба со разни додатоци од зеленчук и сл.
гарнитура | ж.
Повеќе предмети што прават една целина; комплет. Гарнитура за седење.
гарсониера | ж.
Мал, еднособен стан. Живееше во гарсониера во центарот на градот.
гас 1 | м.
Воздушесто тело чии честици се стремат да го исполнат сиот слободен простор; плин.
гас 2 | м.
Газија, петролеј (за ламба). Уличните светилки на гас светеа матно.
гасен | прид.
Што се однесува на гас, што е со гас, што е наменет за заштита од гас. Гасна комора. Гас-маска.
гасеница | ж.
Ларва на пеперутка.
