гасне | несв.
Прави нешто да престане да гори или да свети. Ја гаснеше цигарата и ја гледаше.
гасовит | прид.
Што е во вид на гас. Гасовита состојба.
гасовод | м.
Направа за спроведување гас.
гасометар | м.
Направа за мерење и за чување гас.
гастарбајтер | м.
Работник во странство, имигрант. За Божик сите гастарбајтери се враќаа дома.
гастритис | м.
Воспаление на желудникот.
гастроном | м.
Добар познавач на храната и на начините на нејзиното подготвување.
гастрономија | ж.
Вештина за подготвување разни видови јадења.
гата | несв.
Прорекнува судбина, гледа, бае. Отиде да му гатаат на карти.
гаталец | м.
Човек што гата, јасновидец; врач, бајач, пророк. Беше како гаталец кој чита судбина од дланка.
