гоблен | м.
Уметничка ракотворба, ткаена или везена слика што се користи како декорација на ѕидовите. Таа цела година го везеше гобленот „Тајната вечера“.
говедар | м.
Тој што се занимава со пасење говеда. Го будеше говедарот за да ги потера селските говеда на пасење.
говедарица | ж.
говедарник | м.
Просторија во која се затвораат, се чуваат говеда; обор. Навечер говедата ги прибираше во говедарникот.
говедарство | ср.
Одгледување говеда како гранка на сточарството.
говедо | ср.
Домашно тревопасно животно што се одгледува заради млеко и месо, а се користи и за работа.
говедски | прид.
Што потекнува од говедо. Говедско месо.
говор | м.
(лингв.) Начин за разбирање меѓу луѓето со помош на артикулирани гласови; устен јазик.
говорен | прид.
Што се однесува на говор. Говорен апарат. Говорна емисија. Говорни особености.
говори | несв.
Држи говор, држи беседа; предава. Претседателот говореше за актуелните проблеми во државата.
