добели | св.

Заврши со белењето, направи нешто во целина да стане бело. Го добели платното и седна да одмори.

добере | св.

Набере уште малку до нужната мера. Денес треба да се доберат уште десет килограми круши.

добива | несв.

добивач | м.

добивачка | ж.

добивка | ж.

Материјална корист, заработка, профит. Постојат изгледи месецов да се заврши со мала добивка.

добие | св.

Прими нешто во сопственост, за користење, трошење, нешто што пред тоа не го поседувал, што некој му го дава, му го доделува, му го испраќа (на подарок, за пари или на друг начин). Сакаш сѐ сам да изедеш, а другите дечиња ништо да не добијат. Можеби ќе ја добијам во мираз и оваа бавча што нѐ рани. Тој доби една убава честитка од својот брат.

добира се | несв.

добитник | м.

Тој што добил, што заслужил нешто (награда и сл.). Во овој судски процес тој беше добитник на наследството. Тој е добитник на голем број награди.

добиток | м.

(само едн.) Домашни животни (крави, коњи, овци, кози и др.) Татко го собра од дворот добитокот за да го води на паша.