искити | св.

Накити, украси. Ја искитија елката со лампиони во различни бои.

искласи | св.

Пушти клас, создаде клас. Житото за кратко време искласи.

исклепа | св.

Со клепање наостри сечило (на коса и сл.).

исклешти се | св.

Се насмее силно, гласно, покажувајќи ги забите со грда гримаса. Ми се исклешти пакосно и силно и си замина.

исклоца | св.

Удри некого со нога повеќе пати; клоца.. Магарето убаво го исклоца комшијата.

исклувка | св.

исклучен | прид.

Што го исклучиле од работа, од струја, од сообраќај и сл. Исклучено радио. Исклучените ученици поднесоа жалба до директорот.

исклучи | св.

Отстрани од група, од друштво, од членство, од игра и сл. Го исклучија од училиште. Партијата го исклучи од своите редови.

исклучив | прид.

Што исклучува друга можност (решение, мислење, постапка итн.).

исклучителен | прид.

Што отстапува од општите правила; редок, посебен. Тоа важи само во исклучителни случаи, не секогаш.