лирика | ж.
Поезија во која се изразуваат личните, интимните чувства и мисли на поетот. Читаше интимна, исповедна лирика.
лиричар | м.
Писател, поет на лирска поезија.
лиричен | прид.
а) Што се однесува на лирика. Лиричен стих. б) Што е исполнет со чувства, емоции. Лиричен тон.
лис | прид.
лиса | ж.
Име на лисица како персонификација, олицетворен лик пред сè во басни и детски приказни. Кума лиса. Се сретнале кума лиса и волчко.
Лисабон | м.
Главен град на Португалија.
лисест | прид.
Што има боја на лисица; црвеникава боја. Лисеста кобила. Човек со лисести мустаќи и брада.
лисец | м.
Мажјак на лисица.
лисина | ж.
Земјиште без вегетација, непошумена месност.
лисица | ж.
(зоол.) Диво, крвожедно животно од родот на кучињата, со голема рунтава опашка и со изразито издолжена муцка; Vulpes vulpes.
