логаритам | м.
Број што го покажува степенот на кој треба да се дигне основниот број за да се добие бараниот број.
логаритамски | прид.
Што се однесува на логаритам. Логоритамска таблица.
логика | ж.
(филоз.) Наука што се занимава со проучување на законитостите на човековото мислење.
логистика | ж.
Проучување на функционирањето и на условите за работа на техничките средства.
логичар | м.
Човек што се занимава со изучување на логиката; научник по логика.
логичен | прид.
Што припаѓа, што се однесува на логиката. Логична последица.
лого | ср.
Карактеристичен знак на претпријатие, фирма, установа или манифестација, обично од стилизирани букви.
логопед | м.
Лице што работи врз отстранување на говорните нарушувања или недостатоци; специјалист по логопедија.
логопедија | ж.
Наука што се занимава со проучување и лекување на говорните мани.
логор | м.
Место каде што привремено престојува некаков колектив (војска, извидници, спортисти, работници на изградба на некои објекти) обично под шатори. Воен логор. Извиднички логор. Цигански логор.
