магичен | прид.
Што има својства и дејство на магија. Магичен предмет.
магија | ж.
Збир од дејства, обреди за кои се верува дека имаат натприродна моќ врз луѓето, животните и врз природните појави; волшепство.
магла | ж.
Згусната водена пареа што се создава ниско во атмосферата и ја намалува видливоста. Од густата магла не можеше да си го најде патот за дома.
маглив | прид.
Обвиен, исполнет со магла. Маглив ден.
магличав | прид.
Што е обвиен со слаба магла; замаглен. Врвовите од планината беа магличави.
магловит | прид.
маглоса се | св.
Замагли. Небото се маглоса.
магма | ж.
Вжештена растопена маса во внатрешноста на Земјата.
магнат | м.
Сопственик на големо претпријатие; многу богат човек. Индустриски магнат. Финансиски магнат.
магнезит | м.
Вид минерал, магнезиумов карбонат, што се користи во производството и за обложување на печки.
