нацизам | м.

нација | ж.

Историски создадена општествено-економска, културна и политичка заедница врз основа на заедничка територија, јазик, минато, традиции, психичка конституција, силно проникната со свест за заедничка припадност. Македонска нација. Француска нација.

национален | прид.

Што се однесува на дадена нација. Национална самобитност. Национално движење. Национална програма.

национализам | м.

Идеологија на општествено, политичко и културно дејствување која националните интереси и вредности на една нација ги поставува над другите граѓански вредности и над интересите на другите нации.

национализација | ж.

Одземање на имотот (земја, фабрики, средства за производство, недвижен имот, обртни средства) од приватниците во полза на државата; подржавување.

национализира | св. и несв.

Изврши, врши национализација.

националист | м.

Приврзаник на национализмот.

националистички | прид.

Што припаѓа, што се однесува на национализам и на националист, националистка.

националност | ж.

Припадност кон определена нација.

националсоцијализам | м.

Политичко фашистичко движење во Германија меѓу двете светски војни со идеологија и доктрина, засновани врз реваншистичките националношовинистички тенденции на најреакционерниот дел од буржоазијата за завладување на светот со војна, терор и насилство; нацизам.