нечовек | м.
Тој што не е човек во морален однос, што нема добри човечки особини, што е лош, свиреп; злобник, никаквец.
нечовечен | прид.
Што не е човечен; нехуман. Нечовечен однос. Нечовечна постапка.
нечовечки | прид.
нечовечен.
нечовештина | ж.
Особина на тој што е нечовечен, на тоа што е нечовечно; суровост, свирепост, немилосрдност.
нечувствителен | прид.
Што не е чувствителен. Нечувствителен човек. Нечувствителна кожа.
нечуен 1 | прид.
Таков за каков што не се чуло, каков што не се случил. Нечуен терор. Нечуена суровост. Нечуена срамота.
нечуен 2 | прид.
Што не се слуша или што тешко, одвај може да се чуе. Нечуен глас. Нечујни чекори.
нешетан | прид.
Што не е шетан, што не патувал многу, што не видел свет.
нештедење | ср.
Отсуство на штедење, непотребно трошење, растурање, расфрлање пари и др.
нешто 1 | зам.
Неопределен, непознат предмет, појава; со глагол – прирок во реченицата: а) како неопределен подмет. Нешто гори. Нешто падна. Нешто заигра во него. Нешто го мачи. б) како неопределен предмет. Носел нешто. Напиша нешто. Купиле нешто. Му раскажал нешто. в) со предлози: Верува во нешто. Седна до нешто. Се налутил за нешто. Го влечеше кон нешто. Личи на нешто. Извира од нешто. Беше натажен поради нешто. Се врати по нешто. Се занимава со нешто.
