оцени | св.
Определи вредност, цена на нешто. Тој бара посебна комисија да ги оцени неговите производи.
оценка | ж.
Белешка за успехот на ученик, студент и сл. (најчесто во бројна вредност). Тој нема слаби оценки. Јас заслужив да добијам оценка 5.
оценлив | прид.
Што може да се оцени. Неговата работа е оценлива.
оценувач | м.
Тој што оценува. При оценувањето се покажува дека оценката зависи и од самиот оценувач.
оцет | м.
Кисела течност со остар мирис што служи за зачинување или за конзервирање на храна; Оцетот им ја разблажува лутината на пиперките. Алкохолен оцет. Вински оцет. Јаболков оцет.
оцетен | прид.
Што е од оцет. Оцетна киселина.
оцрни | св.
Направи црн, обои со црна боја, поцрни. Ми ги оцрни рацете.
оцрт | м.
Надворешен изглед; опис во главните црти, во суштествените одлики. Иако ја познавав долго, не би можел ниту оцртот да ѝ го нацртам. Ќе дадеме краток оцрт на нашиот народен живот. Психолошки оцрт.
оцрта | св.
Наслика, нацрта, опише, претстави нешто во главни црти; покаже контури. Содржината на неговите книги се движи пак во оние рамки што ги оцртавме. Накратко ќе го оцртаме ликот на Пулевски. Во романот тој е оцртан како перфиден заводник.
очавчи | св.
Ја отвори устата широко. Ги очавчи децата од смеење.
