одвај | прил.
едвај Одвај заспав синоќа. Одвај стоеше на нозе. Одвај чекореше.
одвева | несв.
одведе | св.
Поведе, однесе некого од едно место на друго. Таа ги одведе гостите во гостинската соба. Заробениот војник го одведоа кај командантот. Тој го одведе добитокот на пасење.
одведнаш | прил.
одвее | св.
За ветар – дувне, однесе, разнесе нешто. Ветрот ги одвеа пожолтените лисја. Силниот ветар ми ја одвеа шапката. Бурата го одвеа малото кајче.
одвезе 1 | св.
Пренесе, однесе некого или нешто со возење. Тој ги одвезе децата на село со својот автомобил. Селаните го одвезоа добитокот со камиони на пазар во градот. Сеното го качија на приколката и го одвезоа до колибата.
одвезе 2 | св.
Отпара нешто навезено, развезе. Таа ја одвезе шарата од едната страна на чаршафот.
одвели | св.
Одрече, отфрли, повлече даден збор. Штом така велиш, така нека биде, немој потоа да одвелиш.
одвери | св.
Оттргне од вера. Од вера ме одверивте, од род ме одродивте.
одвесла | св.
Се оддалечи, замине (со чун и сл.) веслајќи. Одвесла на другата страна од реката.
