подзалаже | св.
Залаже малку, сврти внимание на друга страна. Ја подзалажа потерата на друга страна. Го подзалажаа паричките, та не фати работа како што треба.
подзамазни | св.
Замазни, зарамни малку, донекаде. Го подзамазни фустанот.
подзамачка | св.
Замачка малку, донекаде. Ја подзамачка малку тортата со шлаг и ја изнесе пред гостите.
подзамижан | прид.
Поспан малку, донекаде. Ми личиш како подзамижан, да не ти се спие?
подзамиже | св.
Замиже малку, донекаде, кратко време. Подзамижа малку на креветот, ама не заспа.
подзамисли се | св.
Се замисли малку, донекаде. Кога ја чу забелешката на професорот, тој се подзамисли малку, па одговори.
подзамолчи | св.
Замолчи малку, застане малку во кажувањето, во плачењето и сл. Подзамолчи малку, пак продолжи да зборува. Детето ќе подзамолчеше на кратко и пак ќе викнеше да плаче.
подзамрачи | св.
Замрачи малку, донекаде. Веќе подзамрачи кога си дојде детето од училиште.
подзамре | св.
Стивне малку, замолчи донекаде, во извесна мера. Детето подзамре малку, престана да плаче. Подзамреа топовите.
подзамрзне | св.
Замрзне малку, во некоја мера; замрзне 1, 2. Реката подзамрзнала малку.
