поединечен | прид.
Единечен, единичен, одделен, земен одделно. Поединечни борби. Поединечен случај.
поединост | ж.
поедностави | св.
Направи да стане поедноставен, поупростен. Тие го поедноставија системот за наводнување. Комисијата ја поедностави процедурата.
поезија | ж.
Уметничко, литературно творештво во стихови. Тој пишува поезија и проза. Љубовна поезија.
поема | ж.
Подолга литературна творба во стихови, со лирско-епски карактер. Поемата „Сердарот“ се вбројува во врвните дела во поетската уметност.
поен 1 | м.
Единица со која се определува успехот во спортот, образованието, при испитување знаење, при рангирање, при определување позиции и сл.; Тие освоија најмногу поени. Максимумот е 100 поени. Нашата претставничка доби 2 поена.
поен 2 | прид.
За птица‒ што пее убаво. Појна птица. Појна птица ум ти зела.
поента | ж.
Главна мисла, цел на исказот. Тематско-содржинска поента. Поентата на неговиот исказ е јасна. Овде нема поента, има само неповрзано искажување.
поентер 1 | м.
Вид ловечко куче, англиски птичар.
поентер 2 | м.
Што постигнува поени, што е успешен во остварувањето на некаква цел. Само тој поентира од сето ова.
