популизам | м.
(лит.) Литературен правец што го прикажува народниот живот, неговите проблеми и суштина.
популист | м.
Приврзаник на популизмот.
попумпа | св.
Пумпа малку, некое време. Попумпа вода од чешмата во дворот и ги навади цвеќињата.
попупа | св.
За пупунец – пупа малку, некое време.
попуст | м.
Намалување, снижување на цената; делот од цената за кој е намалена. Сезонски попуст. Продавницата нуди големи попусти за плаќање во готово.
попуст | прид.
Што е неостварлив, што е залуден; Попуста желба. Попуст напор.
попустлив | прид.
Што попушта, што не дава отпор, што лесно отстапува. Попустлив човек.
попустливо | прил.
Со попуштање, попуштајќи. Се согласувам – одговори попустливо.
попустливост | ж.
Особина на тој што попушта, што е попустлив. Токму поради неговата благост и попустливост, сите му се обраќаа нему.
попусто | прил.
Залудно, напразно, непотребно. Попусто е да се расправам со тебе. Тие тргнаа по него, но попусто. Попусто му зборуваш, зашто не те разбира.
