порнокино | ср.

Кино во кое се прикажуваат порнографски филмови.

порнофилм | м.

Филм со порнографска содржина, порнографски филм.

пороби | св.

Одземе независност, фрли во ропство, претвори во роб. Кога ја поробија земјата, тој зеде пушка и замина в планина. Тие го поробиле народот и го присилувале да се изразува на туѓ јазик.

поробител | м.

поробувач | м.

Тој што поробил или поробува. Тој повикува на вооружена борба против поробувачот.

пороганија | ж.

Голем срам, скандал.

пород | м.

Деца, потомство. Тоа беше родителска грижа за својот пород.

порода | ж.

За животни – раса, сој. Запре пајтон, со чифт јаки коњи, од арапска порода.

породи | св.

Укаже помош при раѓање. Бабицата ја породи.

породилен | прид.

Што се однесува на раѓање, родилен. Породилни болки. Породилно отсуство. Породилни маки.