пословично | прил.

Во вид на пословица, кратко и прецизно.

послуга | ж.

Персонал што послужува во хотел, куќа и сл. Послугата ги постави трпезите со јадења.

послугува | св.

Служи, е во служба некое (кратко) време. Тој послугува неколку дена, па си замина.

послужавник | м.

Метален или пластичен плиток сад, обично со тркалезна или четвртеста форма со кој се носи и се послужува јадење или пијалак. Таа ги нареди филџаните во послужавникот. Влезе со послужавник на кој имаше слатко и чаша со вода.

послужи | св.

Почести, нагости со јадење, пиење. Жената ги послужи со кафе и слатко. Тој ги покани да седнат и ги послужи со вино.

послуша | св.

Слуша малку, кратко време. Таа застана на прозорецот да ја послуша песната на птиците.

послушен | прид.

Што исполнува нечии совети, наредби; покорен. Тој беше мирен и послушен, готов да ја исполни и најмалата наредба. Послушно дете.

послушлив | прид.

послушник | м.

(пејор.) Тој што е послушен, што слуша без приговор. Околу него се врткаа плашливци и послушници, кои му го виткаа грбот и му слугуваа.

послушно | прил.

На послушен начин, покорно. Тој послушно стана и тргна по него.