потисне | св.
а) Притисне надолу со сета тежина. Тежок товар го потисна. б) Принуди некого под притисок да се тргне; истурка, помести назад, настрана. Тие го потиснаа настрана насобраниот народ.
потисник | м.
Угнетувач.
потиштен | прид.
Што е душевно потиснат, нерасположен, натажен; депримиран. Никогаш не бев го видел така потиштен, дури изгубен. Физички крајно исцрпен и духовно потиштен, разочаран тргнав накај моето паркче.
потишти | св.
Предизвика чувство на душевна тегоба, потиснатост, обесхрабреност. Неизвесноста за неговата судбина многу нѐ потишти.
потка | ж.
Знак; запотка: а) Купче земја со забодена гранка во средината, знак дека на нивата или на ливадата е оставена да расте тревата, да не се пушта стока да пасе. б) Гранчиња, цвеќе и сл. со кое се китат делови од куќата или стоката во некои обредни ритуали.
поткади | св.
Кади, закади малку со темјан. Покади со темјан.
поткаже | св.
Тајно пријави, издаде некого. Тој ги поткажа на полицијата. Тој ги поткажа сите виновници.
поткажувач | м.
Тој што поткажува, предавник.
поткани | св.
Кани, понуди некого да направи нешто. Ајде де, пивни – го поткани тој со шишето. Тој неколку пати ја поткани да го збираат материјалот.
поткара | св.
Скара некого малку, во мала мера. Тој ги поткара децата зашто задоцнија.
