прегар | м.
Сува, неплодна земја. Што и да посадиш во овој прегар, ништо не успева.
прегатен | прид.
За животно ‒ што се впрегнува. Прегатен вол.
прегач | м.
Парче облека што при работа се става врз другата облека заради заштита од нечистотија. Го врза прегачот и се фати за работа.
прегладен | прид.
Што е премногу гладен, изгладнет. Прегладено дете. Прегладени волци.
прегладнетост | ж.
Состојба на тој што е прегладнет.
прегладни | св.
Стане многу гладен. Децата прегладнеа од многу играње.
преглас | м.
Промена на бојата на глас, самогласка под влијание на соседниот глас.
прегласа | св.
Изврши повторно гласање. Во неколку општини го прегласаа првиот круг од парламентарните избори.
преглед | м.
Разгледување на содржината на нешто. Преглед на денешните настани. Преглед на поднесените извештаи.
прегледа | св.
Разгледа содржина на нешто со различен степен на внесеност; изврши преглед, проверка. Учителката ги прегледа писмените задачи. Таа ги прегледа сите текстови. Тој го прегледа весникот додека пиеше кафе. Полицаецот им ги прегледа патните документи.
