предиспонира | св. и несв.
Однапред подготви, подготвува, оспособи, оспособува за нешто. Ги предиспонираат за високи достигнувања.
предиспониран | прид.
Што е склон, подложен, чувствителен кон нешто. Предиспониран на болест.
предисторија | ж.
Најстариот период од минатото на човештвото, од појавата на човекот до појавата на првите пишани споменици; праисторија. Успивното дејство на макот било познато уште во предисторијата.
предистрага | ж.
Истражна постапка што ѝ претходи на главната истрага. Некои докази беа обезбедени уште во предистрагата.
предлабок | прид.
Што е многу, премногу длабок. Предлабоко дно.
предлага | несв.
предлагач | м.
Тој што предлага, што дава предлог. Предлагач на реформи. Главен предлагач.
предлог 1 | м.
Изложено мислење, препорака да се направи нешто, како да се реши нешто. Неочекуван предлог. Конкретен предлог. Го прифатија предлогот.
предлог 2 | м.
Неменлив збор што се наоѓа пред именските зборови и изразува различни односи меѓу нив и другите зборови во реченицата; препозиција (на, до, под, со и др.).
предложи | св.
Направи, даде предлог. Владата предложи нов закон за приватизација. Професорот предложи два термини за полагање на испитот. Тој предложи да одиме на излет.
