премигне | св.
Кратко отспие. Премигнете ноќеска и утре со нови сили.
премие | св.
Повторно измие (нешто, некому). Треба да ги премиеш садовите. Му го преми лицето на детето.
премиер | м.
Претседател на влада.
премиера | ж.
Прва изведба на уметничко дело (театарско, филмско, музичко); Утре ќе се одржи премиерата на претставата. Светска премиера.
премиерен | прид.
Што се однесува на премиера. Премиерни филмови.
премиерски | прид.
Што му припаѓа, што се однесува на премиер. Премиерски мандат. Премиерски должности.
премил | прид.
Што е многу, извонредно, премногу мил. Премило дете. Премили спомени.
премилостив | прид.
Што е извонредно, премногу милостив. Премилостив господин.
премин | м.
Место каде што се преминува. Пешачки премин. Граничен премин.
премине | св.
Мине, помине од едната на другата страна на нешто. Ја премина улицата. Го преминаа мостот. Преминаа преку граница.
