проноси | св.

Почне да носи; заноси. На стари години проноси светли бои.

проод | м.

Тесно место каде што сепак може да се помине; премин. Меѓу двете куќи имаше тесен проод. Мораше да врти околу, напреку немаше проод.

прооден | прид.

Што овозможува да се оди, да се помине. Прооден пат. Прооден терен. Местото е рамно и проодно.

прооденче | ср.

Дете коешто проодело.

прооди | св.

За дете – научи да оди, почне да оди. И двете дечиња проодеа пред годината.

проодница | ж.

Овца првпат објагнета.

пропаѓа | несв.

пропаганда | ж.

Планско и организирано ширење по устен или писмен пат некакви идеи, учења, ставови и сл. Политичка пропаганда. Културна пропаганда. Пропагандата е моќно оружје.

пропаганден | прид.

Што служи за пропаганда; што се однесува на пропаганда. Пропаганден материјал. Пропагандни цели.

пропагандизам | м.

Методи и начин на работа на некоја пропаганда, голема посветеност на пропаганда.