простодушен | прид.

Што е добродушен, добар, искрен, наивен. Простодушно момче со чисто срце. Тој беше простодушен, сочувствителен со несреќата на другите.

простонароден | прид.

Што се однесува на простиот народ, кој е својствен на народот. Простонародно кажување. Простонародни зборови.

простор | м.

Празнина во која ги забележуваме сите предмети што нè опкружуваат чии својства се висина, должина и ширина; неограничено простирање во сите правци. Пред нив се простираше бескарен простор покриен со ниска трева. Просторот од небото до планинските врвови беше исполнет со една прекрасна синевина.

просторен | прид.

Што се однесува на простор. Просторен план.

просторија | ж.

Дел од внатрешноста на куќа или зграда ограничен со ѕидови или прегради, под и таван. Куќата имаше неколку простории. Целата просторија беше осветлена со неонски светилки. Во една мала просторија беше смстена спалната соба. Подрумски простории.

простосмртен | прид.

Што има особини на обичен човек, смртник. Простосмртни слабости.

простосрдечен | прид.

Што е со искрено, отворено срце; простодушен. Простосрдечен човек.

простота | и.

Својство на тоа што е просто; едноставност. Простота на стилот.

простотилак | м.

простотија | ж.

Неукост, незнаење.