раскрцка | св.
Почне да крцка зачестено, засилено; Таа ги раскрцка забите. Тие ги раскрцкаа оревите.
раскрчми | св.
Потроши сè докрај (за имот, за пари итн.); Ние ги раскрчмивме парите. Таа ги раскрчми ткаените чаршафи.
раскрши | св.
Скрши на два или на повеќе делови. Таа го раскрши лебот на неколку парчиња. Сватовите ја раскршија погачата. Тој ги раскрши прачките.
раскубе | св.
Почне да кубе нешто или некого со засилен интензитет, повеќе или уште повеќе. Таа ја раскуба за косата. Таа си ја раскуба кошулата. Девојките ги раскубаа пердувите на кокошките.
раскука се | св.
Почне да кука зачестено, засилено; Надвор се раскукала птица. Жените се раскукале.
раскукурига се | св.
Почне да кукурига; Утрото се раскукуригале селските петли.
раскуми | св.
Откаже кумство. Таа го раскуми кумството.
раскупи | св.
Купи сè, разграба со купување. Таа ги раскупи сите цреши. Тој ги раскупи сите стоки.
раскусури | св.
Раздолжи некого, ослободи од некаков долг со целосно плаќање, израмни нечија сметка. Таа го раскусури мажот, плаќајќи го целиот негов долг.
раскуќи | св.
Растури, запусти, уништи куќа или семејство, дом со несоодветно стопанисување; Тој го раскуќи домот, ја раскуќи куќата.
