расобуе | св.
Собуе, отстрани обувки или чорапи од нозете некому или себеси. Таа ги расобу децата и им ги триеше премрзнатите нозе. Тој ги расобу новите чевли.
расов | прид.
расол | м.
Кисела зелка. Една главица расол. Расол без месо. Расол со везени пиперки. Салата од расол. Расол со свинско месо.
расолзи | св.
Насолзи, предизвика солзи, тага, плачење кај некого. Таа глетка ме расолзи. Таа ги расолзи децата.
расоли | св.
Отсоли, отстрани сол од нешто со помош на вода. Таа го расоли сирењето во студена вода. Ова јадење не може да се расоли.
расолка | ж.
Лист од кисела зелка. Тенки расолки. Во расолка ставаше пропржен ориз и парче сува пиперка и правеше посни сарми.
расолник | м.
Вид пита со расол, со кисела зелка. Пред Бадник, за постот јадевме расолник.
расолница | ж.
Солена вода во која се чува расолот, киселата зелка; јува. Пиеше расолница за да се трезни. Јадеше расолница со леб.
расони | св.
Разбуди некого, прекине сон, дремка некому. Силен тресок ја расони. Таа ги расони домашните. Ѕвонењето на телефонот ме расони.
распавта се | св.
Почне силно да павта, се размавта, обично со раце. Тој се распавта со рацете. Тие се распавтале со знамињата.
