раслече | св.

Слече, соблече, расоблече, отстрани алишта со слекување. Таа ги раслече децата. Момчето ги раслече панталоните.

раслои | св.

Раздели, издели на слоеви нешто што е составено од повеќе слоеви. Тој ги раслои одделните примероци од овие растенија.

расмеан | прид.

Што е насмеан, радосен, расположен во поголема мера. Расмеани лица. Расмеани деца.

расмева (се) | несв.

расмее | св.

Предизвика, поттикне кај некого силно смеење. Таа ги расмеа гостите. Прво ги расмеаја, потоа ги растажија. Таа го расмеа до солзи.

расмрди се | св.

Почне силно да смрди, да испушта непријатен мирис. Месото се расмрди.

расне | несв.

Станува поголем, повисок. Детето раснело многу бргу. Бебето најмногу расне првите месеци од животот.

расност | ж.

Севкупност на добрите особини, одлики на една раса (кај животните); . Расноста кај коњите е услов за успешно грло. Расноста кај говедата е многу важна. Свињи со добра расност.

расо | ср.

Вид горна облека на православни свештеници. Под расото се криел безверник. Штом го стави расото на себе, почна да се моли.

расоблече | св.

Соблече, слече, отстрани дел од облека или сета облека од некого или од себе. Таа ги расоблече децата. Тие го расоблекоа болниот. Девојчето ја расоблече горната облека.