регулира | св. и несв.
Уреди, уредува; подложи, подложува на извесен ред, на правила. Владата ги регулираше цените на лебот. Државите ги регулираа меѓусебните односи. Полицијата го регулираше сообраќајот.
ред | м.
а) Редица, севкупност од нешта (лица, предмети и сл.) што доаѓаат едно до друго во хоризонтална линија според некои правила (височина, обележаност со број и сл.). Момчињата беа наредени во ред. Тој ги читаше буквите од првиот ред. Беше сместен во втората куќа од првиот ред куќи. б) Позиција на нешта (предмети, лица) што се наоѓаат едно зад (по) друго. Десет реда војска стоеше построена. Првиот ред беше со црвени седишта, другите редови со зелени. Редот се протегаше до влезот на аптеката. Насадија два реда сливи, а потоа два реда круши. в) Збир од предмети наредени еден врз друг, во вертикална линија. Постелнината беше наредена во прецизен ред. Еден ред бели маици, врз нив ред сини.
редактира | св. и несв.
Исправи, исправува; подготви, подготвува; среди, средува списание, текст, книга и сл.; изврши, извршува редакција. Професорот го редактираше речникот. Врвни научници го редактираа ракописот. Тој досега редактирал неколку книги.
редактор | м.
Лице што ја води издавачката дејност во некоја издавачка куќа, раководи со издавањето на некој текст, раководител на издание (весник, списание, едиција и сл.). Одговорен редактор на весници. Директорот е редактор на сите книги што се изданија на Институтот.
редакторство | ср.
Должност, дејност на редактор.
редакција | ж.
Подготовка, обработка, проверка на текст (книга, списание, весник и сл.) за печат. Текстот ја мина последната редакција. Треба да се направи уште една редакција пред печатење.
редакционен | прид.
Што се однесува на редакција; Редакциона група. Редакционен одбор.
редаленка | ж.
Жена што тажи, што реди, оплакува нешто или некого; тажачка. На гробот застанаа две редаленки.
редар | м.
Лице задолжено за редот на некоја манифестација (собир, приредба) или во некоја установа (кино, театар, стадион и сл.). Редарот го натера да се врати на своето место. Редарите држеа сè под контрола.
редарица | ж.
редарка.
