'ртлив | прид.
Што може да 'рти. 'Ртливи зрна.
'ртливост | ж.
Биолошко својство, способност на семето да 'рти. 'Ртливоста се изразува со процент на 'ртливи зрна во определена мера семенски материјал. Семе со висок процент на 'ртливост.
'ртулец | м.
(бот.) Израсток на растение на самиот почеток на развитокот на новото растение. Нежни 'ртулци на пченица.
Руанда | ж.
Држава во Африка.
руба | ж.
Облека, алишта. Девојката била облечена во машка руба. Комитска руба. Облекла калуѓерска руба. Чиста руба. Зетовска руба.
рубашка | ж.
Долга машка руска кошула, дел од народна носија.
рубајлија | прид.
Мома, невеста што има многу руба, многу чеиз
рубеола | ж.
Заразна болест што се јавува најчесто кај децата, вид сипаници со црвени печати по телото.
рубиичка | ж.
Летно цвеќе со бели цветови; маргаритка; Leucanthemum vulgare.
рубин | м.
Вид скапоцен камен со црвена боја. Прстен со рубин.
