разврши се | св.
Почне силно, енергично да врши жито. Како што си се развршил уште од рано изутрина, брзо ќе завршиш со работата.
разгази | св.
Со газење набие, изгази, израмни снег, кал и сл. Минувачите го разгазија снегот и направија патека.
разгален | прид.
Што е многу гален, на кој многу му се угодува, му се оди по волјата. Разгалено дете.
разгали | св.
Направи некого да стане гален; навикне некого на удобност, на исполнување на сите желби и барања. Постојано им попушташе и така ги разгали.
разгалче | ср.
Галено дете. Таа е мамино разгалче.
разгатка | ж.
Откривање, разгатнување на нешто загадочно, прикриено, тајно. Треба подлабоко да се вникне во разгатката на човековите страсти. Потребна е разгатка на причините и поводот за конфликтот. Ја откривам разгатката на неговата животна филозофија.
разгатлив | прид.
Одгатлив. Разгатливи симболи.
разгатне | св.
Открие, одгатне. Никој нема сили да разгатне од што ѝ е болката. Тој настојуваше да ги разгатне неговите мудри зборови.
разгаштен | прид.
Што е разпојасан, раскомотен. Влезе стариот, бос и разгаштен.
разгашти | св.
Пушти некого да оди со непритегната облека; ослободи некого од вишок облека за да се чувствува удобно, раскомоти. Ги разгашти децата и ги пушти да играат во дворот.
