разлази се | св.

За непроодено дете ‒ почне многу да лази. Детето се разлази по собата барајќи ја играчката.

разлапа се | св.

Почне многу, лакомо да јаде. Кога му седнаа, кога се разлапаа, ништо не остана.

разласка | св.

Почне силно да блеска, да сјае.

разлатен | прид.

Што е плиток и широк. Разлатна чинија. Разлатно тенџере.

разлачи | св.

Раздели, раздвои. Сакаа да ја разлачат од семејството.

разлеан | прид.

Глаголска придавка од разлее.

разлева (се) | несв.

разлее | св.

Истури, исипе течност од сад. Сето млеко го разлеа од тенџерето.

разлежи се | св.

Залегне, помине подолго време во лежење; почне да лежи подолго или почесто. Стариот се разлежи, одвај стануваше.

разлелее | св.

Направи нешто да се лелее, да се ниша повеќе или уште повеќе. По улиците млади ги разлелеаја знамињата. На трибините навивачите ќе го разлелеат големото знаме.