разместлив | прид.
Што е подложен на разместување. Разместливи места.
размете | св.
Расчисти со метење. Таа го размете дворот.
размеша | св.
Добро измеша течност или некаква смеса. Таа ја размеша супата. Мајсторите го размешаа малтерот.
размеша се | св.
Почне силно, забрзано да меша. Се размеша и испрска насекаде.
размеѓи | св.
Постави определена меѓа, омеѓи. При процесот на денационализација специјални комисии ги размеѓија нивите.
размине | св.
(само 3 л., разг.) Помине, измине, исчезне. Детството размина и младоста бргу размина.
размириса се | св.
Почне силно да мириса, да се шири мирис на сите страни. Полето се размириса. Собата се размириса од зумбулите.
размирица | ж.
Несогласување, расправија, раздор, смут. Жестоки размирици.
размисла | ж.
Мисла проследена со долга и сериозна анализа. Грешна размисла. Точна размисла. Слободна размисла. Критички размисли.
размисли | св.
Со мислење оцени, одмери, расуди, дојде до некаков став, заклучи; обмисли сестрано. Тој размисли добро пред да дојде кај нас. Размисли за понудата, а потоа одговори ми. Јас треба да размислам како да му помогнам.
