рапорт | м.
(воен.) а) Отчет, известување, информација, целосен опис за извршена задача или за определена обврска. Секое утро тој поднесуваше рапорт кај водникот. б) Сослушување кај претпоставен по повик или по свое барање. Тие го повикаа на рапорт. Сега е на рапорт кај генералот.
рапортира | св. и несв.
Поднесе, поднесува рапорт, даде, дава отчет по службена должност. Војникот му рапортираше на десетарот. Секое утро рапортира пред шефот.
рапсод | м.
Старогрчки поет и пејач кој патува, обично придружуван со лира. Пееле рапсодите на разни празници.
рапсодија | ж.
Песна на рапсод кај Старите Грци.
рапсодичен | прид.
Што има елементи или карактеристики на рапсодија. Рапсодични напеви.
рапче | ср.
Неколку рапчиња на ракавите.
раритет | м.
Реткост, нешто несекојдневно, што се издвојува по својот квалитет или по некоја друга карактеристика. Овој камен е раритет. Ваквите настани се раритет кај нас.
раритетен | прид.
Редок, исклучителен, малоброен. Раритетни сорти. Раритетна убавина. Раритетен примерок. Раритетен настан.
раса 1 | ж.
Историски создаден тип луѓе со заеднички телесни и духовни својства, морфолошки, географски и др. особини, со заеднички наследни физички карактеристики што се појавиле со текот на еволуцијата со приспособувањето кон определени средини и што ги издвојуваат од другите (боја на кожата, очи, коса, структура на телото и сл.). Бела раса. Црна раса. Жолта раса. На средбата присуствуваа припадници од сите раси. Формата на косата варира според расата на човекот, а исто така и бојата на очите. Припадници на белата раса.
раса 2 | ж.
