расад | м.
Специјално одгледувани растенија за пресадување. Расад за домати. Расадот е подготвен за садење. Празот се одгледува исклучиво со расад. Расад за цвеќиња. Расад на тутун. Производство на расади. Квалитетен расад.
расаден | прид.
Што е одгледан со помош на расад, со расадување. Расаден начин на производство. Расадни растенија. Расаден систем.
расади | св.
Пресади растенија, расад на определени места. По еден месец ги расади цвеќињата. Напролет го расади празот.
расадилиште | ср.
Површина, дел од расадник што служи за расадување на прегусто изникнат расад.
расадник | м.
Простор, градина каде што се одгледуваат растенија за расадување. Во расадникот имаше неколку видови цвеќе. Најсигурен расад е од расадниците.
расадничар | м.
Лице што работи во расадник или што одгледува расад.
расадосадачка | ж.
Машина за механичко расадување расад. Расадосадачка со автоматски диск за расадување.
расвести | св.
Направи некој да почне да преоѓа од несвесна во свесна состојба; освести. Студената вода и свежиот воздух ја расвестија девојката. Таа го расвести со вода и со студени облоги.
расветли | св.
Опсипе, облее со светлина. Тој ја расветли собичката со батерија. Тој го расветли патот. Месечината го расветли морето.
расвири се | св.
Почне да свири многу, се занесе во свирењето. Тој се расвири и од срце се израдува.
